10:25 ص
غير معرف
طول عمرى بقول مصر
بلد مشكوك فى أمرها
ومش لاقية حد يلمها
وماشية على حل شعرها
وبتكدب وبتنافق
وترجع تصدق نفسها
من كتر كدبها
دا مش من عندى
دا من اللى بشوفوا منها
ولا عمرها صدقت يوم مع شعبها
ماهو أخر همها
بيقولوا عليها أم الدنيا
وأنا بقول ملعونة الدنيا
وملعون أبوها وأمها
وملعون أى بلد
ما تحترمش ولا تقدر شعبها
دا هو نورها وضيها
دا هو شمسها وفجرها
دا هو أملها وحلمها
مصر بلد مشكوك فى أمرها
وملعوب فى أساسها
بلعوها ونهبوها والاسم حرسوها
وعايزين يفضلوا كاتمين على نفسها
مش عايز حد يزعل من كلامى
كان نفسى أنا عن نفسى أطاطى
أبوس أيديها وأبوس راسها
بس مش عارف فين عقلها
وفين قلبها وفين رجليها
وفين راسها
ولا عمرها أحترمت شعبها
ولا عرفت قيمة ناسها
عملنا ثورة بهرت الكون
وف الاخر جايه تلعب
على التمانين مليون
وفى الاخر قال عايزين
يجيبوا شفيق رئيسها
بلا وكسة
